Heimasíða þessi er hluti af: The Physics Enigmas And Consciousness Enigmas Files  "The PEACE-Files" P. E. A. C. E.  Útgáfan ehf kynnir:

PowerPoint-fyrirlesturinn "ALKAÞRAS" Fyrirlestur í sex þáttum sem fjallar um skammtafræðilegar og líffræðilegar orsakir og afleiðingar neyslu mannsins á áfengi og öðrum hugbreytandi lyfjum, löglegum sem ólöglegum. Sjúkdómur sá sem af þessu leiðir er í dag ýmist kallaður:  "alkóhólismi", "mengun mannsheilans", "boðefnasvindl mannins". Hér kemur fram í fyrsta skiptið í mannkynssögunni, skýring á virkninni í taugaánetjunarsjúkdómunum og batalausn þeirra, en fyrirlesturinn samanstendur af:

01 : Inngangur	Formáli og kynning fyrirlestrarins.
02 : Fyrsti hluti	Bygging og heilbrigð forrit mannsheilans.
03 : Annar hluti	Stjórnun raunveruleikaskynjunar heilans.
04 : Þriðji hluti	Taugaánetjun á fölskum taugaboðefnum.
05 : Fjórði hluti	Bataleiðrétting & varanleg breyting heila.
06 : Lokaorð	Niðurlag og niðurstöður fyrirlestrarins.
07 : Umræðan	Ábendingar, athugasemdri og skammir.

Til Heima-Index Forsíðu 

 

Hér sem inngangsábending, hefur verið dregin upp táknmynd fyrir afturþróun mannsins til þess tíma er við skildum okkur frá hinum prímötunum, sem á að tjá úrkynjunarhnignun vegna vaxandi neyslu áfengis og annarra gerviboðefna með meðfylgjandi fjölgun á tauaánetjuðum einstaklingum. Að sjálfsögðu er hér um að ræða óraunhæfan samanburð þar sem slík þróun er óhugsanleg, en þessi háðsþróunarmynd er jafnframt móðgun við alsaklausa frændur okkar í dýraríkinu, apana. Þeir haga sér aldrei eins og við mennirnir gerum undir beinum eða óbeinum áhrifum svindlboðefna og kemur fram í þessum þætti fyrirlestrarins að aparnir eru að nota allt það sem þeim var gefið í formi heila, en við, homo sapiens, erum einungis að nota helminginn af því sem okkur var gefið og vitum ekki einu sinni hvers vegna því er þannig farið.

Aðalinntak þessa fyrirlestrar er að komið hefur fram á síðasta hluta tuttugustu aldar, að breytingar eigi sér stað í genum manna við neyslu þess sem hér er skilgreint sem gervi-, fölsk- eða svindltaugaboðefni, og að þessar breytingar safnast saman og flytjast til næstu kynslóða með erfðunum. Þær breytingar sem eiga sér stað á einstaklingunum, breyta jafnframt þeim sem eru í umhverfi neytandans og þar með samfélaginu í heild. Allt bendir til þess að þessar breytingar séu alvarlegri en vísindamenn hafa hingað til gert sér almennt ljóst, en nú--í byrjun 21. aldarinnar--eru þeir fyrst að byrja að verða meðvitaðir um þær að einhverju leyti. Hins vegar hafa ríkistjórnir og heilbrigðisyfirvöld Vesturlanda enga betri hugmyndir aðra enn að reyna að snúast gegn þessu með hinni klassísku en gangslaus aðferð, að setja refsilög til að halda þessum sjúkdóm mannkynsins niðri og eru enn alsendis ráðþrota gagnvart hinni svokölluðu "ólöglegu" eiturlyfja hlið hans, á meðan menn trúa því enn að til sé eitthvað sem heitir "skaðlaus neysla áfengis". Yfirvöldum er enn ekki ljóst að þau hafa fyrir löngu tapað stríðinu gegn hinum ólöglegu vímugjöfum.

Í þessum kafla munum við skoða--í sem mestri mögulegri einfeldni--hvað það er sem gerist í mannheilanum þegar í taugunum eru fyrir hendi gervi-, fölsk- eða svindltaugaboðefni og hvernig grunnforritun heilans er breytt. Jafnframt þessu munum við skoða hverjar afleiðingarnar eru, en óhætt er að fullyrða hér, að ekkert í framtíðinni ógnar manninum meira en þessi þróun sem vísindin--ennsem komið er--botna nánast lítið sem ekkert í. Þetta vegna þess að sameindalíffræðinni hefur enn ekki tekist að leysa gátuna um heilann og á það orsakir í því að grundvallarlíkön þau sem nú er unnið með um heilastarfsemina í sameindalíffræðinni, eru röng. Er höfuð ástæðuna fyrir þessu að finna í þeirri staðreynd að “það sem vantar í taugalíffræðina” hefur að gera með þætti sem ennþá vantar í innsæi hinnar nýju eðlisfræði, skammtafræðina.

Óþarft er að vekja á því athygli hér að í þessum fyrirlestri er því haldið fram að hann sé byggður á hinu fyrsta rétta líkani af starfsemi mannsheilans sem fram kemur í mannkyninu og að það líkan komi því með rétt svör við þeim aragrúa af ennþá ósvöruðu spurningum viðkomandi mannsheilanum og starfsemi hans. Hér er einkum um að ræða þær breytingar er verða í "grunnforritun heilans" sem síðan framkallar taugaánetjunarsjúkdómanna með breytingum á boðefnaframleiðslu heilans.  Breytingar þessar leyða jafnframt til breytinga á grunnforritiun erfðaefnins þess sem stjórnar starfsemi erfðakóðanna (genanna) annarstaðar í líkamanum, en eins og fram kemur í fréttini hér á eftir eru vísindamenn nú rétt að byrja að fá innsýn í þessar breytingar. Enn lengra er í að vísindin öðlist rétt DNA- og heila-líkön er skýrt geta samhengi allra þeirra truflana sem hið "heilamengandi boðefnasvind" orsakra, hvort sem um alkóhólisma er að ræða eða ekki. Þar sem truflanir þessar eru skammtalögmállegs-eðlis, eiga þær sér stað við hverskyns neyslu þar sem "endurupptaka boðefna" breggst og eru þær höfuð orsakir hins mikla fjölda "statistískra" sjúkdóma mannsins, en rétt er að benda á að hér er í raun einungis verið að fjalla um "afleiðingar" fremur en þá upphaflagu orsakastarfsemi sem framkallar þær.


QF-kenningar staðfestingar tillaga:

Associated Press.

Morgunblaðið laugardaginn 30. desember 2000.

Stjórnleysi áfengissýkinnar kann að skýrast af breytingum í heila.

Alkóhólismi breytir erfðaefni í heilanum

New York. Reuters.

MEÐ því að nota nýjustu erfðarannsóknatækni hafa vísindamenn í Texas komist að því, að ofneysla áfengis getur breytt erfðaefni, eða genum, í heilanum. Af rúmlega fjögur þúsund genum sem rannsökuð voru reyndust að minnsta kosti fjögur prósent vera um 40% öðru vísi í alkóhólistum en þeim sem ekki misnotuðu áfengi. Greint er frá þessu í desemberhefti tímaritsins Alcoholism: Clinical and Experimental Research.
   ,,Rétt eins og tölvuvírus getur breytt tilteknum forritum og aðgerðum sýna upplýsingar okkar að stöðug misnotkun áfengis getur breytt efnasamsetningu og rafrásum í framhluta heilabarkarins,” sagði í tilkynningu frá aðalhöfundi rannsóknarinnar, dr. R. Adron Harris, við Háskólann í Texas í Austin.
      Flest breyttu genin eru í tengslum við svonefnt hvítt efni í heilanum (myelin). Þetta efni myndar slíður utan um samskiptafrumur heilans og kunna genabreytingarnar að útskýra hvers vegna alkóhólistum er hættara við sjúkdómum sem eyða hvíta efninu, að því er vísindamenn segja.
    ,,Með þessari rannsókn eru að byrja að koma í ljós þær óæskilegu breytingar sem sífelld áfengisneysla veldur í heilanum,” sagði Harris. “Svona rannsóknir munu leiða til þess að betri meðferð finnst við alkóhólisma og annarri fíkn.”

 TENGLAR   Alcoholism: Clinical and Experimental Research: www.alcohollism-cer.com

Megi svo fyrirlesturinn verða lesandanum að sem mestu gagni.

 

Það mun hafa verið í kringum 1920 að þýskur læknir kom í stáliðjuver í Munchen þar sem honum var sýnt hvernig stálþynnur voru valsaðar. Var honum jafnframt bent á hversu mikill vandi það væri, þar sem stálþynnurnar yrðu of hratt teygðar--eða á Þýsku "zu schnell gestreßt"--gætu þær brotnað og þyrfti þá að bræða þær á ný með miklum kostnaði. Varð lækninum þetta hugleikið og sá hann í því samlíkingu við nútímamanninn sem var svo hratt teygður af aðstöðubaráttu lífsins að hann brotnaði, það er, missti heilsuna. Fór hann að nota hugtakið stressaður, eða í streituástandi um þá sem sýndu einkenni mikils álags og hefur það síðan breiðst víða um jörðina

Hvað er svo á bakvið þetta ástand sem við köllum stress? Taugalíffræðilega er stress ástand, ástand skorts á hemlandi boðefnum í heila, einkum endorfíni og dópamíni, sem menn síðan mæta með neyslu á efnum sem jafngilda því að vera svindlboðefni og koma í stað hinna náttúrulegu efna. Ljóðurinn á þessari lausn er sá að hann leiðir til þess að menn missa smátt og smátt hina náttúrulegu getu til framköllunar á náttúrulegum boðefnum og verða háðir gerviboðefnum. Í verstu tilfellunum leiðir þetta svo til slíks getuleysis til framleiðni á náttúrulegum boðefnum, að maðurinn verður það sem skilgreint er sem alkóhólisti, sem er stigvaxandi sjúkdómur einstaklingsins og sem fer jafnframt stigvaxandi meðal almennings. Þetta er fyrirbrigðið sem við nú skoðum hér, en samkvæmt QF-kenningunni er þetta alvarlegasta vandamál mannkynsins.

Hér höfum við svo hóp fólks sem er að iðka boðefnasvindl það sem um ræðir, en í því kemur gjarnan fram mikil losun á bældum tilfinningum og innibyrgðri gremju eða reiði. Er boðefnasvindlið ekki einungis bundið við alkóhól heldur alls konar önnur efni, lífræn sem ólífræn, en augljóst er að sá með sólgleraugun á myndinni er að nota eitthvað meira en bara alkóhól. Er iðkun boðefnasvindls með alkóhóli hin elsta, víðtækasta og vinsælasta frítímaiðkun mannsins og hefur trúlega verið stunduð í allt að tíu þúsund ár, en elstu þekktu viðvaranir viðkomandi alkóhólinu er að finna á veggjum musterisins í Karnak við Luxor í Thebes, Efra-Egyptalandi og eru 5000 ára gamlar.

Nú í seinni tíð hafa læknar tekið upp á að benda streitu-stressuðum einstaklingum á að reyna að ná fram endorfin-dópamínlosun með neyslu tveggja snafsa daglega, en augljóst er að læknarnir vitað ekki hvernig fólk nær þessu fram með náttúrulegum hætti. En hver er þá taugalíffræðilega skilgreiningin á þessu boðefnasvindli? Hún er einfaldlega sú að stress er andlegur sársauki og er gerviboðefnið deyfilyf á þann sársauka. Þetta þýðir að við munum skoða næst hvað sársauki er.

Sársauki er fyrirbrigði sem í náttúrunni er vinur lífsins, en án hans er þróun og tilvist lífvera óhugsandi. Sársauki eru viðbrögð lífsins við einhverju sem skaðar eða eyðileggur það og má skoða þetta þannig, að lífið fari í gegnum göng þar sem veggirnir eru sársaukinn. Byrji lífveran að fara út úr göngunum kemur sársaukinn til hennar og beygir henni inn í lífið aftur, en hér er frægust sú staðhæfing að þjáningin sé perla alkóhólistans; hún sé það eina sem komi vitinu aftur fyrir hann. Stöðug neysla deyfilyfja, í hvaða formi sem, er jafngildi þess að flugmaðurinn byrji flugið með því að slökkva á eldviðvörunarkerfum vélarinnar og segja við sjálfansig; nú kviknar ekki í.

Á myndinni sjáum við mann sem hefur slasast á fingri og gefa taugarnar sársaukaboð til "dreka" í hvatahluta heilans, sem skynjar sársaukann, en hann er hluti vitundarsviðsins. Sársaukinn leiðir til viðbragða og lætur viðkomandi gera að sárinu sem grær svo. Þegar skurðaðgerð er gerð á heila, er ekki þörf á deyfingu nema rétt á meðan verið er að komast að honum. Þetta er vegna þess að heilinn, sem móttakari sársaukans, skynjar engan sársauka sjálfur, en hefur sína eigin tegund af sársauka sem er andlegs eðlis og getur verið jafn þjáningarfullur og hvaða líkamlegur sársauki sem er, ef ekki verri. Aðalgallinn á hinum andlega sársauka heilans er sá, að almennt tekst fólk ekki á við hann á réttan hátt, kunna það jafnvel ekki, en deyfa hann í staðinn með áfengi, lyfjum eða öðru boðefnasvindli. Hér kemur svo til skjalanna sú staðreynd að afgreiði fólk ekki andlegan sársauka sinn á viðeigandi hátt, leiðir það til vaxandi einbeitingarskorts vitundarinnar og gerir einstaklinginn slysahneigðari en ella. En hér er reglan sú að andlegar raskanir og sársauki koma fyrst, síðan koma slysin með líkamlegum sársauka. Með öðrum orðum: andlegur sársauki leiðir til líkamlegs sársauka. Hver er þá hin rétta afgreiðsla eða lausn á andlegum sársauka? Þetta þýðir að við munum næst skoða sársaukalausnir.

Það var árið 1960 sem dr. Ho Li, Bandaríkjamaður af kínverskum ættum, einangraði í fyrsta sinn próteinsameind heilans sem reyndist vera með 40-faldan deyfistyrkleika morfínsins. Hann gaf því nafnið "Beta-endorfín" og skrifaði vísindaritgerðir sínar um það, en uppgötvaði ekki að þetta var þýðingarmesta og aðaltaugahemilsboðefni heilans. Endorfínin reyndust vera laun til tauganna, jafnframt því að vera náttúrulegt deyfilyf fyrir þær, einkum fyrir andlegan sársauka. Varð dr. Ho Li því af Nóbelsverðlaununum. Það var 15 árum síðar að tveir lífefnafræðingar frá Aberdín í Skotlandi, dr. John Huges og dr. Hans Kosterlitz, fengu Nóbelsverðlaunin í líffræði fyrir þá uppgötvun.

Við uppgötvun endorfínanna urðu viðbrögð heimsins þau að margir líffræðingar töldu að nú vissum við hvernig ætti að lækna allan andlegan sársauka heilans og nú yrðu öll andleg vandmál mannkynsins úr sögunni. Hófust lyfjaframleiðendur handa við að framleiða afrit af endorfínunum og kanna virkni þeirra til markaðssetningar. Í ljós kom að afrit þessi höfðu gríðarlega sterka sársaukadeyfingarvirkni, en að þau höfðu jafnframt gríðarleg vímuáhrif og ánetjunarfylgni. Var vímuvirknin slík að neytendurnir vildu dvelja í vímunni, en öllum hvötum þeirra hafði verið svarað og þurftu þeir ekki einu sinni kynlíf eða næringu, jafnframt þurftu neytendur ekki að vera í neyslu þessara efna nema tiltölulega stuttan tíma til að vera orðnir varanlega ánetjaðir. Með öðrum orðum voru þeir orðnir alkóhólistar eftir nokkurra vikna neyslu. Var framleiðsla þessara efna bönnuð nema sem sársaukalyf fyrir dauðvona krabbameinssjúklinga sem morfínin voru hætt að virka á. Eigi að síður hafa háskólamenntaðir efnafræðingar og andfélagslegir einstaklingar víða í Austur-Evrópu, tekið til við framleiðslu áður þekktra, náskildra afbrigða þessara efna sem þekkt eru undir heitinu "ecsatsy-pillur", eða "e-pillur".

Rannsóknum á boðefnum endorfínfjölskyldunnar hefur miðað vel áfram og í byrjun áttunda áratugarins uppgötvaðist afbrigði sem reyndist 700 sinnum sterkara en morfín, enda var því gefið nafnið "dynorfín". Efni þetta framkallast við dauðann og vakti mikil heilabrot meðal lífefnafræðinga þar sem efni, tvöhundruð sinnum sterkara en morfín, þurrkar út allan hugsanlegan líkamlegann sársauka í heilanum, en hvaða áhrif þau hafa á andlegann sársauka er ekki þekkt.

Þessi uppgötvun varð til þess að gerð var kvikmynda-fantasía þar sem nokkrir læknanemar í Bandaríkjunum fóru að framkalla hvor í öðrum, tæknilegt "dauðanálgunarástand", með það fyrir augum að öðlast innsæði í dauðareynslu manna og "dauðavímuna" af þessu boðefni. Fékk kvikmyndin nafnið FLATLINERS. Þýðingarmesta spurningunni í tengslum við tilraunina fjallaði um. Hvað er náttúran að gera með slík efni í dauðanum?, var ekki svarað og sömuleiðis ekki heldur hinni ennþá erfiðari spurningu; "Hvernig hefur slíkt boðefnaframleiðsluferli þróast í taugakerfi okkar ef efni þessi framkallast einungis í dauðanum?" Ef þessi efni eru einungis framkölluð í dauðanum þá er augljóst að við getum ekki séð fyrir okkur eitthvert "selection of the fittest", eða "úrval hins hæfasta" ferli vera hér að verki. Menn þyrftu þar að deyja mörgu sinnum til slíkrar þróunar... nei, nei,,,  að fara að reyna að rökhugsa slíkt verður eitthvert rugl. Er þessi niðurstaða ein sterkasta sönnun þess að við höfum "ekki þróað með okkur Jamais vu  trúarstöð heilans", eins og til dæmis dr. Sigmund Freud og dr. Richard Dawkins vilja meina, heldur er hún eitthvað sem náttúran gefur okkur. Eitthvað sem í vísindunum eru óþekktar ástæður. Margir þeirra sem upplifað hafa dauðareynslu eru ekki undrandi á uppgötvun þessa efnis og í þeim tengslum er viðeigandi að minnast lýsingar dr. David Livingstone á því þegar ljónið var að bíta hann til bana og honum fór allt í einu að líða vel og þykja vænt um ljónið, en í því komu fylgdarmenn hans og skutu það.

Fram hafa komið tilgátur um að þegar konur í Þrakíu í Grikklandi--fyrir 2500 árum--iðkuðu launhelgar úti í skógi, þar sem þær drukku vín og skáru karlmann eða dýr á háls og drukku blóðið með víninu, hafi þær með einhverjum hætti drukkið í sig slík dauðaboðefni. Komust þær í mjög sterka vímu og fengu spádómsgáfu. Sömuleiðis hafa komið fram tilgátur um að hér sé komin skýring á hinum miklu mannfórnum í Mið- og Suður-Ameríku fyrir komu Kólumbusar, en þar átu prestarnir hjartað úr fórnarlömbunum, drukku blóð þeirra og höfðu bjór og ofskynjunarsveppi með. Fengu þeir að sjálfsögðu spádómsgáfu. Hversu mikill sannleikur er í þessu er ekki vitað þar sem ekki er ljóst hvernig boðefni sem myndast í heila og mænuvökva komast út í blóðrásina.

Í lok tuttugustu aldarinnar var búið að einangra milli 60 og 70 mismunandi útgáfur af endorfínum og búið að sýna fram á að boðefni endorfínfjölskyldunnar réðu samvirkni milli miðtaugakerfisins, kirtlakerfisins og ónæmis- kerfisins. Þetta þýðir að hér er um að ræða fyrstu boðefni lífsins. Ráða þau fyrst og fremst andlegri líðan okkar, síðan þeirri líkamlegu. Þau ákvarða hver og hvað við erum og hvernig líf okkar er.

Athyglisverðasta og jafnframt alvarlegasta, varðandi hinar miklu framfarir í rannsóknum á boðefnum heilans, er sú staðreynd að í öllum niðurstöðunum gengur vísindamönnum afar illa að skilja hin síendurteknu skilaboð náttúrunnar til okkar. Skilaboðin eru þau, að því nær sem við komumst hinum náttúrulegu taugaboðefnum náttúrunnar, í eftirlíkingum okkar í lyfjaformi, því verri verða afleiðingarnar varðandi ánetjunarhættuna. Eru nú e-pillurnar skýrasta viðvörunin til okkar hver þróunin er. Til lengri tíma litið byggir taugakerfið okkar alltaf upp þol við þessum efnum, sem krefst svo stærri skammta fyrir sömu virkni. Jafnframt þessu minnkar geta taugakerfisins til að framkalla samasvarandi náttúruleg boðefni og þýðir það því að því lengur sem svindlboðefnanna er neytt, því erfiðara verður að losna við þau, og að lokum kemur að því að þau rústa taugakerfinu. Hér gildir einu þó að þetta gerist með mismunandi hraða hjá einstaklingum.
  

Margskonar andleg tækni er iðkuð af manninum til að ná fram betra vitundarástandi, meiri afköstum í hugsun og sköpun og betri andlegri og líkamlegri líðan. Hér er hvers kyns kyrjunar-, bæna- og hugleiðslutækni þekktust, og hefur jafnframt ýmis konar raftækni komið fram til hjálpar við þessa iðkun. Í Austurlöndum er mikið um hugtækniiðkun og í Japan er Zen tækniiðkun algeng, einkum á meðal þeirra sem bera mikla ábyrgð. Hefur mikið af þessari tækni flust til Vesturlanda og leiddi það til dæmis til hinnar miklu "flower power" vakningar í Kaliforníu, en því miður var þar maðkur í mysunni þar sem menn voru jafnframt að nota svindlboðefni. Frægt er að á hippaárunum iðkuðu margir kyrjun og hugleiðslu og ýmist drukku, tóku sýru eða reyktu kannabis með og töldu sig vera komna í vitundarástand við æðri raunveruleika. Útkoman úr því skilaði sér ekki sem skyldi og fóru margir mjög illa frá þessu, urðu jafnvel geðveikir glæpamenn.

Mörgum er ekki ljóst hvað verið er að gera með þessum iðkunum og sjá þær sem einhvers konar sjálfsfróunar- sefasýki. Því miður hafa menn ekki innsæi í það að hér er um að ræða valkost á milli þess að vera stressaður og svara því með boðefnasvindli, sem borga þarf fyrir með stórfé, eða hvort betra sé að losa sig við stressið með hugtækniiðkun, framkalla endorfín, komast í náttúrulega vímu og borga ekki krónu fyrir. Hafa menn almennt lítið innsæi í það hvernig kyrjun og hugleiðsla leiðir til tíðnijöfnunar í vitundabylgjunni sem gerir bylgjuna heila og tengir bæði heilahvelin. Við það á sér stað framköllun á endorfínum og síðan dópamínum en jafnframt fer af stað náttúruleg líftæknileiðrétting í heilanum og leiðir þetta af sér, í gegnum endorfínin, betri hugsun, líðan og heilsu. Við getum nú snúið okkur að því hvernig mengun mannsheilans breytir honum og skapar þörf fyrir einstaklinginn til að bjarga lífi sínu með leit til AA-samtakanna og 12-spora vinnu ásamt hvers kyns kyrjunar-, bæna- og hugleiðsluiðkun. Förum við því beint í nokkrar stærstu spurningarnar í taugalíffræði vísindaheimsins.

 

Ein merkasta vísindauppgötvun tuttugustu aldarinnar er innsæi inn í það hvað gerist öðruvísi í taugendunum þegar gervi- eða svindlboðefni eru til staðar. Hér höfum við tekið Skyggnu #3-19 úr öðrum kafla fyrirlestrarins, er sýnir boðefnaskipti í taugabilinu og sett hana upp í vímuástandi. Þar sjáum við rafboðið og boðefnin á ferðinni eins og áður, en nú er komin viðbót inn í myndina og er það alkóhólsameindin. Þessu til viðbótar sjáum við að nú vantar þau boðefni sem borguð eru til baka, eða hin svokallaða endurupptaka er ekki til staðar. Þetta er veruleg breyting og þurfum við að gera okkur ljóst, að í neyslunni, jafnt og án hennar, eiga þessi skipti sér stað á hverri sekúndu vítt og breytt í heilanum, á meðal þúsunda milljóna tauga og síðan í taugaendum þeirra, sem eru á milli hundrað til þúsund fyrir hverja taug.

Ef við skoðum í einfaldri líkingamynd það sem á sér stað, þá jafngildir tilkoma svindlboðefnanna fyrir tauga- frumurnar, tilkynning um að þær hafi gert eitthvað gott og að þær megi í staðinn framkalla taugahemla í miklum mæli. Fara taugafrumurnar þegar í stað að framkalla mikið af taugahemlum sem svo, vegna áhrifa frá svindlboðefnum, leiðir til taughemlaflóðs, eða vímuflóðsins í heilanum. Er því fyrsta víman oftast, að mestu leyti, náttúruleg boðefnavíma, sem sett er af stað með svindlboðefnum og endurupptökubreytingunni, en tiltölulega lítið magn áfengis þarf til að hrynda þessu af stað í byrjun neyslunnar. Þetta þýðir svo að fyrstu timburmennirnir verða oft tiltölulega vægir af þessum sökum, en flestir þekkja þessar upplifanir við byrjun þeirra á áfengisneyslu.

Þetta lága áfengisþolsástand með náttúrulegri vímu, varir ekki lengi og fer einstaklingurinn fljótt að þurfa stöðugt meira áfengi til að ná fram sömu áhrifum, en það er að sjálfsögðu mismunandi í einstaklingum og er einmitt vísbending um þróun inn í alkóhólisma. Hér er um að ræða myndun áfengisþolsins sem er jafnframt upphaf myndunar hinna starfrænu truflana í heilanum, en í verðandi alkóhólistum fer vaxandi þol yfirleitt strax á fulla ferð.

Hinar starfrænu truflanir mannsheilans og tilkoma þeirra er ein stærsta ráðgáta taugalíffræðinnar viðkomandi heilastarfseminni og jafnframt eins sú flóknasta. Skýrir QF-kenningin--í sinni einföldustu framsetningu mögulegri--í QF-heila-líkaninu, hvernig þetta á sér stað í gegnum endurupptökutruflunina í samspilinu á milli INN og ÚT hluta vitundarbylgjunnar og EXON og INTRON hluta kirnanna í DNA-sameindunum, en truflunin á sér stað vegna rangrar umpólunar tauganna. Með þessari röngu umpólun truflast intron-forrit DNA-sameinda vitundarsviðs heila með þeim afleiðingum að afriti af grunnforriti exon-kirnanna er troðið ofan í intron-kirnurnar. Frekari afleiðingar eru svo að taugahemlaframleiðsla intron-kirnanna skerðist í vaxandi mæli við hverja neyslu, og myndar það því jafnframt vaxandi áfengisþol, en neytandinn bætir það svo upp með auknu neyslumagni.

Yfirlit um þessa þróun kemur svo fram hér á eftir í myndbandsúrklippu #07, Skyggnum #4-08,  #4-09, #4-10, #4-11, #4-12, #4-13, #4-14, #4-15, #4-16, #4-17 og #4-18, en næst byrjum við skoðun okkar á afleiðingum þessa forritaruglings alkóhólsins sem er jafnframt þungamiðja þessa fyrirlestrar.

(Hér kemur myndbandsúrklippa #07)

Hér fengum við að sjá Brook Haven Myndbandsklippu er sýndi okkur hvernig vísindalistamennirnir tjá það þegar endurupptaka boðefna bregst í taugabili hjá hinum taugaánetjaða. Hér kemur svo þýðing textans með myndinni: “Heilafrumur hafa samskipti með efnasambandaskilaboðum, boðefnunum, en einn hópur þeirra er kallaður taugahemlar. Þegar heilafrumur losa frá sér taugahemla þá bindast þeir nágrannafrumum og framkalla vellíðunarskynjun eða 'pleasure' eins og það heitir á ensku. Við fyrstu neyslu einstaklingsins á svindlboðefnum, eða taugánetjandi gerviboðefnum, eykst framleiðsla taugahemlanna mjög og orsakar það enn sterkari vellíðunarskynjun. Þar sem endurupptaka taugahemlanna er jafnframt hindruð með nærveru svindlboðefnanna, skapar það aftur flóð af taugahemlum í heilanum, sem síðan skapar enn meiri vímuvellíðunarskynjun og veldur því að neytandinn vill sífellt meira.” Hér í Skyggnu #4-08 kemur svo vísindalistamanna teikning af þessu sama fyrirbrigði sem sýnir hvernig endurupptakan bregst og sjáum við hvernig endurupptökuboðið snýr við, eða er kastað til baka.

Spurningin sem þetta kallar á hlýtur að vera: Hvað þýðir þetta fyrir starfsemi heilans þar sem þúsundir milljóna tauga með sína hundrað til þúsund taugaenda hver, eru að skjóta rafboðum á hverri sekúndu og eru truflaðar í þessu starfi? Hér rifjum við upp þá staðreynd að í vitundarsviði heilans eru um tuttugu og fjögur til þrjátíu þúsund milljón taugafrumur sem verið er að rugla í, aðallega með fölskum negatífum boðefnum sem koma í stað náttúrulegar pósitívra boðefna og umpóla hinum pósitífu intronum mest, þannig að þau taka við negatífum forritsupplýsingum. Í stuttu máli þýðir þetta það, að umpólun tauganna verður röng og er það rótin að forritunarruglinu milli exon og intron kirnanna, en það er jafnframt fæðing lyginnar og blekkinganna á tungumáli heilans.

Ekki er að furða, þó að áður hafi því verið trúað, að megnið af taugafrumum heilans í langt gengnum alkóhólistum væru dauðar. Urðu menn því undrandi eftir að AA-samtökin komu fram á sjónarsviðið og afrugluðu alkóhólistana og þeir urðu eðlilegir. Hér var um að ræða massívar starfrænar truflanir sem verða til með þeim hætti sem hér hefur verið lýst, en hægt er að losna við með aðferðafræði AA-samtakanna. Í seinni tíð er að koma fram að umrædd ruglforrit hinna starfrænu truflana, erfist á milli kynslóða, en hægt er að stemma stigu víð slíku með stöðvun neyslu og leiðréttingu heilans. Er þetta mál því alvarlegra en við höfum hingað til gert okkur ljós og kemur það frekar fram í næstu mynd og í síðasta hluta þessa fyrirlestrar.

Þessi skyggna, sem er breytt eintak af Skyggna #2-19, sýnir það sem nánast ómögulegt er að tjá í stórum eða smáum myndum, en hún er í raun þungamiðja þessa fyrirlestrar. Skyggnan gefur  okkur myndlíkingar yfirlit yfir niðurstöður QF-kenningarinnar um afleiðingar boðefnasvindlsins, eða það hvernig grunnforrit exon- efnishvelsins er afritað og því troðið ofan í grunnforrit intron-rúm hvelsins, en þetta er sýnt með skástrikaða hringnum sem teiknaður er ofan á intron-rúmhvelið með titlinum OFUR-EGÓ. Jafnframt hefur verið bætt inn á myndina hinu fræga "bjöllu-línuriti" (the bell-curve of intelligence) sálarfræðirannsóknanna á greindarvísitölu manna, en til hægri eru svo tvær vitundar- og DNA-forritunar-jafnvægistáknmyndir sem hvor um sig sýna ójafnvægi. Hér er ÚT-hluti vitundarbylgjunnar sterkari en INN-hlutinn og meira um hraða og ráðaleysi en gott minni, en grunnforrit heilahvelanna sýnir í heild sinni ójafnvægi þar sem mikil aukning hefur orðið á exon-ÉG-forritinu.

Við höfum nú séð hvernig "svindlboðefnin" eða "hvers kyns ánetjandi efni", orsaka það sem kallað er að "endurupptaka boðefna bregðist" og hvernig það framkallar síðan fyrirbrigði það sem kallað er mörgum mismunandi nöfnum og sem hér í þessum fyrirlestri er kallað "filter". Það er svo þessi filter sem hefur þau áhrif á framleiðslu hemlandi boðefna heilans að það framkallar taugaánetjunarsjúkdómanna. Þetta á sér stað fyrir þá staðreynd að filterinn sest ofan í intron-kirnuforrit DNA-spíralanna, og er það jafnt í hin ráðandi forrit rúmskynjunar-VIÐ-hvelsins, sem bakgrunnsforrit efniskynjunar-ÉG-hvelsins. Þetta breytir ekki einungis raunveruleikaskynjun einstaklingsins og persónuleika hans, heldur kemur jafnframt í veg fyrir náttúrulega og heilbrigða framleiðslu á taugahemlum í gegnum bæði þessi forrit. Afleiðing þessa hemlaskorts er síðan stressaður og ófullnægður einstaklingur sem er neyddur til að fá sér aftur og aftur "svindlboðefnin", eða vímugjafa í einhverju formi. Þetta er rótin að taugaánetjunarsjúkdómunum sem heildarhugtakið "alkóhólismi" er svo notað yfir, en sjúkdómseinkenninn koma aðallega fram í því, að hin verðandi alkóhólisti fer strax að þurfa meira magn til að ná sömu vímu, sem er hið aukna áfengisþol. Áberandi er hve lítið áfengismagn einstaklingurinn þarf í byrjun neyslu, en eftir því sem árin líða, "filterinn" vex og náttúruleg boðefnaframleiðsla minnkar, þarf einstaklingurinn að nota stöðugt vaxandi magn vímugjafa í takt við filterinn og verður hið andlega, breytta alkóhólíska hugarfar því stöðugt verra. Þar sem raunveruleikinn er okkur öllum sameiginlegur, smitar hið alkóhólíska hugarfar út frá sér, einkum í aðstandendur, sem einnig öðlast filter á forsendum rangra hugsana, án þess þó að þeir fái hið "líkamlega ofnæmi" sem alkóhólistar skilgreina. Þessum einstaklingum er svo hættara við að ánetjast, fari þeir að stunda drykkju, þar sem þeir eru þegar komnir með einhvern filter. Á lokastigi sjúkdómsins fer svo lifrin að gefa sig og áfengisþol neytandans hrynur.

Til viðbótar við truflanirnar frá filternum, er talið líklegt að um sérstakar tengingarskemmdir sé að ræða meðal ákveðinna "tengifruma", sem hafa með boðefnaframleiðslu efnis-ÉG-hvelsins og heiladingul-kyrtils að gera, en þetta eru taugar sem við hugsum ekki með. Ef þetta er rétt, þá eru þessar skemmdir varanlegar á "tengifrumum". Taugar þessar fá laun sín við að flytja skilaboð um taugahemlaframleiðslu og fá greitt fyrir með boðefnum, en í langvarandi neyslu fá þær ekki að starfa og því enga næringu og drepast því. Hér er að verki lögmálið "Ef þú notar það ekki, taparðu því!", en það gildir um öll líffæri, sem visna ef þau eru ekki notuð. Þetta kemur svo aftur fram í rýrnun svokallaðs dreka, sem er hluti hvataheila og er það rúm-VIÐ-hvels drekinn, sem aðallega rýrnar í alkóhólistnum. Í þunglyndum aðstandendum er það svo aftur efnis-ÉG-hvels dreki sem rýrnar. Augljóst ætti að vera, af þessari skyggnu og textanum við hana, að einstaklingur sem svona er komið fyrir, á í miklum erfiðleikum með að hætta neyslu sinni, án þess að losna við filterinn í rúm-VIÐ-hveli heila síns að einhverju leyti. Í  næsta kafla skoðum við batann frá ánetjunninni og fáum þar að sjá hvernig við losnum við rúmskynjunar-VIÐ-hvels filterinn, en ekki filterinn í bakgrunns-intron-forriti efnis-ÉG-hvelsins. Þetta, ásamt mögulegum skaða á taugatengingum, gerir svo sjúkdóminn alkóhólisma varanlegan, þó svo að með upprætingu megin-filtersins séu sjúkdómseinkennin í dvala. Hér verður líka ljóst hvers vegna talað er um að sjúkdómurinn sé þríþættur, en filterinn í intron-kirnu forritum DNA-sameinda heilans, er það sem orsakar hið andlega mein og hina huglægu þráhyggju, en bakgrunns intron-forrit efnis-ÉG-hvelsins, ásamt hinum mögulegu tengitaugaskaða, orsakar hið svokallaða líkamlega ofnæmi, sem ekki er hægt að losna við.

QF-kenningar staðfestingar tillaga:

Orðið "erfðakóða formauki" (epigenetic marker) þýðir orðrétt “viðbót til breytinga á gena röðinni” og er notað yfir ábættar merkingar í DNA sameindinni sem fyrst voru uppgötvaðar árið 1910 í korni og síðan 1991 í spendýrum. Við aldamóta loka talningu DNA kyrnanna og kortlagningu erfðakóðanna af 'Human Genome Project' og 'Institute for Genetic Research', hafði leitinn að stjórnun genamengisins, ásamt skýringum á því hvernig gena starfseminni gæti verið breytt á annan máta en með breittri kyrnu röðun erfðakóðanna, fengið byr undir báða vængi, en þar hefur 'erfðakóða formaukinn' gefið svarið við síðari spurningunni. Nú hafa margar tegundir af  'erfðakóða formauka ferli' verið uppgötvaðir en þar er talið til methylation, acetylation, phosphorylation, ubiquitylation og sumolyation, en þar af er DNA methýl-húðunnin algengust. Erfðakóða formauka ferlin eru náttúruleg og nauðsynleg í margri lífrænni starfsemi, en komi þau fram í rangri birtingu geta þau framkallað meiriháttar heilsu og hegðunar vandamál.

Nú þegar í dag, hefur mikill fjöldi af líkamlegum sjúkdómum og andlegum hegðunarvandamálum, ásamt öðrum heilsufarseinkennum, verið tengdur við truflanir á erfðakóða formaukunum. Þar er að finna meðal annars, næstum allar tegundir af krabbameini, truflunum á hugsunar starfsemi, öndunar-, æða-, kynfæra-, ónæmis- og taugahegðunar- kerfa sjúkdómum mannslíkamans. Þekktar eða grunaðar orsakir á bakvið truflaða erfðakóða formauka starfsemi, innihalda mikinn fjölda orsakavalda eins og til dæmis þungmálma, skordýraeitur, díselolíubruna-afgas, tóbaksreykur, polycyclic aromatic kolvetnasambönd, hormón, geislavirkni, vírusar, bakteríur ásamt ýmsum tegundum af grundvallar næringarefnum, en neysla mannsins á alkóhóli er samkvæmt QF-kenningunni algengasta og versta orsökin. Ein af þeim rannsóknarniðurstöðum í erfðakóða formauka rannsóknunum, sem mest hafa komið á óvart, eru fréttir af formauka breytingum sem kunna að hafa fluttust í gegnum minnst fjórar kynslóðir af lífverum, en þessu hefur QF-kenningin haldið fram síðan 1994.

Samkvæmt QF-kenningunni þá er genatjáningunni stjórnað af  "DNA-lífstjórnunar forritum" þeim sem er í QF-intron kyrnu hlið DNA-sameindarinnar sem þýðir stjórnun hinna heilbrigðu erfðakóða formauka. Þetta þýðir að sérhver eiturefnatruflun í þessum forritum er að orsaka rangar DNA-formauka merkingar í DNA-sameindinni, sérstaklega í heilanum, en þaðan geta þessar röngu merkingar verið fluttar með 'skammta stökki' í samsvarandi stjórnandi líkamshluta, sérstaklega kyrtlanna. Þetta eru þær uppsöfnuðu starfrænu truflanir sem QF-kenningin kallar filter og sem koma í veg fyrir eðlilega boðefnaframleiðslu í heila alkóhólista og annara taugaánetjaðra þráhyggju sjúklinga.  

Framtíðarhorfur varðandi yfirgripsmikillar allhliða erfðakóða formauka rannsóknir í tengslum við mikinn fjölda sjúkdóma sem framkallaðir eru í gegnum rangar formauka merkingar, eru margfalt flóknari og yfirgripsmeiri en 'The Human Genome Project', en það var alheimsleg samvinna sem stóð yfir í meira enn tíu ár og kostaði marga milliarða dollara.

Það sem hér er sagt er ekkert smámál og að okkar mati stærsta spurning mannkynsins. Því spyrjum við okkur: Getur þetta virkilega verið? Þar sem ekki er hægt að gera beinar kannanir á þessu, þá verðum við að styðjast við óbeinar niðurstöður, sem koma úr ýmsum áttum:

Í fyrsta lagi:	Sálar- og taugalíffræðirannsóknir skoðaðar í Skyggnu #4-09 .
Í öðru lagi:	Trúarbragðakennisetningar, skoðaðar í skyggnu #48.
Í þriðja lagi:	Sjúkleikaskilgreiningar AA-samtak- anna skoðaðar í skyggnu #48.
Í fjórða lagi:	Upplifanir skammtafræðibrautryðj- enda skoðaðar í skyggnu #48.
Í fimmta lagi:	Nýjar samanburðarlíffræðirannsóknir á öpum og mönnum í skyggnu #49.
Í sjötta lagi:	Erfðaferli hins ranga intron-forrits er svo skoðað í skyggnu #49.

Fyrsti könnunarvettvangur okkar á spurningunni um tilvist hins falska intron-forritis;  Ábendingar sálar- og taugalíffræðirannsókna.

Við byrjum á því að skoða ýmsar ályktanir og niðurstöður sálarfræðinnar, en í mynduppsetningunni höfum við tekið hina kunnu yfirlitsmynd dr. Sigmundar Freud þar sem heilanum er skipt í þrennt, "EGÓ", "OFUR-EGÓ", og "ID", en þar taldi Freud að undirmeðvitundin innihéldi það sem hann kallaði OFUR-EGÓ. Taldi hann OFUR EGÓIÐ vera okkur náttúrulegt og væri það jafnframt vandræðavaldurinn í lífi manna. Var það tillaga hans að það eina sem hægt væri að gera við ónotin frá þessu OFUR-EGÓI, væri að fara með það til sálgreinis, eða bara drekka brennivín á það. Dr. Carl Gustaf Jung - sem sáði fræinu að AA-samtökunum - var ekki sammála dr. Freud og varð þessi ágreiningur hluti af aðskilnaði þeirra. Á síðustu öld voru gerð ógrynnin öll af greindarvísitölu-prófunum á fólki og var meðalniðurstaðan eins og fram kemur á línuriti því sem sett er inn á myndina hér í Skyggna #4-09. En það er hin fræga bjöllu-bogalína, eða "bell curve". Þar er vaxandi fólksfjöldi rannsakaðra settur á móti vaxandi greindarrannsóknaniðurstöðum. Á skala, sem gerir ráð fyrir tvöhundruð mögulegum greindareiningum, kemur í ljós að meðalgreind fólks er um eitthundrað stig, en það vísar til þess að fólk hefur að meðaltali aðgang að helming heila síns, sem styður niðurstöður QF-kenningarinnar. Að vísu er rétt að athuga, að greindarvísitöluprófanirnar hafa verið mjög efnishyggjuhvels-miðaðar, en sú staðreynd í sjálfu sér styður niðurstöður QF-kenningarinnar enn frekar. Við þetta bætist svo að sálarfræðin talar um rúmskynjunarhvelið sem undirmeðvitund og eru sálfræðingar sífellt að reyna að finna út hvað þar er á seyði, en þessi leit er enn frekari vísbending um, að þar kunni að vera blekkingarhjúpur á ferð.

Hér koma einnig til niðurstöður úr taugalíffræðirannsóknum sem sýna, að við notum nánast eingöngu efnishyggjuhvelið við að leysa hversdagsleg verkefni okkar. Er það kallað "ósamhverfi mannsheilans" og eru þessar niðurstöður svo veigamiklar að þær verða skoðaðar sérstaklega hér á eftir í Skyggnu #4-11. Almennt er svo talað um, að meðalmaður hafi einungis aðgang að um 50% getu heila síns og noti daglega 15 til 30% af þeirri getu, en af þessum tillögum eru margar útgáfur.

Annar könnunarvettvangur okkar á spurningunni um tilvist hins falska intron- forritis;  Ábendingar trúarbragðakennisetninganna.
Ef trúarbrögðin eru skoðuð í ljósi þessara niðurstaðna QF-kenningarinnar, sést að öll trúarbrögð snúast að stórum hluta um þessa spurningu. Áður en við skoðum hvað trúarbrögðin hafa að leggja til málanna viðkomandi hinu falska intron-forriti rúmskynjunarhvelsins í QF-kenningunni, er viðeigandi að skoða hvað hinn mikli náttúrusálfræðingur, Fyodor Dostoevsky, hafði að segja um þetta. Hið illa, sem fyrirfinnst ekki í náttúrunni, er tjáð hér í táknmyndinni um hugtak okkar um hið illa í manninum, okkur sjálfum og eru orð Dostoevsky hér mjög viðeigandi og staðfesta QF-líkanið um okkar eigin sköpun hins illa. Hafði hann þetta að segja: "Ef Djöfullinn er ekki til, en maðurinn hefur skapað hann, þá hefur hann vissulega skapað hann í sinni eigin ímynd og líkingu", og á það fulla samsvörun við myndir QF-líkansins um hið falska intron-forrit.

Þegar kemur að trúarbragðakennisetningum, virðist okkur sem þær snúist nánast eingöngu um þetta falska forrit í intron-kirnum rúmskynjunarhvelsins. Skulum við því kíkja á hvað þau hafa að segja um þessa tillögu QF-kenningarinnar. Ef við byrjum í Austur-Asíu og skoðum taóismann (með hliðsjón á Konfúsíusisma), þá er þar talað um drekann, sem bæði getur verið jákvæður og neikvæður og skyldu menn gæta þess að hafa hann góðan. Næstur er hindúisminn á Indlandi, en þar er þetta forrit þekkt ýmist sem "karma-", lögmál orsaka og afleiðinga, "maya-", blekkingin mikla eða "mara", sem er enginn annar en hinn illi eða Djöfullinn sjálfur. Þar sem búddaisminn er sprottin af hindúismanum, notar hann sömu hugtök um þetta forrit. Þá eru það Mið-Austurlönd, en þar eru elstu núlifandi trúarbrögðin Gyðingdómurinn, sem að einhverju leyti er sprottinn af trúarbrögðum Forn-Egypta, þar sem einn aðalhöfundur Gyðingdómsins var alinn upp af Forn-Egypskum prestum við hirð Faraóans. Í Gyðingdómnum er komist öllu nær upptöku hins falska intron-forrits, í sögu Mósesar af syndafalli mannsins og burtvísun hans úr Paradís. Þar er hinn forboðni ávöxtur ekkert annað en alkóhólið, þó svo hann þori ekki að segja það beint, af ótta við óvinsældir, en neysla þessa ávaxtar, segir snákurinn, verður til þess að maðurinn muni verða eins og Guð og þekkja muninn á réttu og röngu, góðu og illu. Þetta er að sjálfsögðu andstætt afleiðingum áfengisneyslunnar enda eru þetta orð snáksins, eða drekans, sem er jafnframt lygarinn, en afleiðingarnar eru svo brottvísun úr sæluástandi "paradísah", sem er tákn um skerta framleiðslu endorfína og andlega vanlíðan í stressi. Þessu til viðbótar eru svo syndir feðranna, erfðasyndin, sem eru erfðirnar á hinu falska intron-forriti. Er þetta skilgreiningin á hinu falska forriti, sem komið er ofan í forrit hins Æðra-Sjálfvilja í intronunum og er sköpun okkar á því sem við svo köllum Djöfullinn. Þessar líkingamálssögur Mósesar koma heim og saman við niðurstöður QF-kenningarinnar. Þar sem Kristindómurinn og íslam eru trúarbrögð sem sprottin eru af Gyðingdómnum, nota þau sömu grunnhugtökin og hann.

Þriðji könnunarvettvangur okkar á spurningunni um tilvist hins falska intron- forritis;  Sjúkleikaskilgreiningar AA-samtakanna,
Hið falska forrit í VIÐ-intronum rúmskynjunarheilahvels kemur mjög við sögu í leiðréttingarprógrammi AA-samtakanna, en þar er það einfaldlega kallað, lestir og brestir. Er tilgangur AA-prógrammsins að losna við þetta forrit fyrir tilstilli Guðs, sem samkvæmt niðurstöðum QF-kenningarinnar, á sér stað í gegnum Jamais vu trúartaugamiðstöðina í þessu heilahveli. Fjallar fjórði og síðasti þáttur þessa fyrlestrar um það taugalífræðiferli sem býr að baki þessari leiðréttingu.

Fjórði könnunarvettvangur okkar á spurningunni um tilvist hins falska intron- forritis;  Upplifanir skammtafræðibrautryðjenda.
Einna merkilegast í þessari lauslegu könnun, er sú reynsla sem sumir forfeður skammtafræðinnar urðu fyrir á fyrstu árum rannsókna sinna. En þeir urðu þess áskynja að svo virtist sem væru þeir í sumum rannsóknum sínum að horfa á raunveruleikann í gegnum einhvers konar "filter". Filter svipaðan þeim sem sem settir eru á myndavélar. Er þetta sagt hafa verið ein af spurningum dr. Volfgang Pauli til dr. Carls Gustafs Jungs, þegar hann heimsótti hann til Zurich 1930. Hugtakið filter um Djöfulinn, eða persónulega lesti og bresti, er andstætt því sem er að finna í sálarfræðinni og trúarbrögðunum, þar sem það er ekki þolenda tengt og án allra ásakana í garð einstaklingsins um að hann sé eitthvað verri en aðrir. Vísar hugakið filter einungis til þeirrar tillögu að eitthvað starfi ekki rétt í heilanum og verður filter hugtakið því það hugtak sem framvegis verður notað hér í þessari umfjöllun um hið falska intron-forrit.

Fimmti könnunarvettvangur okkar á spurningunni um tilvist hins falska intron-forritis; 
Samanburðar-taugalíffræði-rannsóknir á öpum og mönnum.
Það var fyrst upp úr miðbiki tuttugustu aldarinnar að líffræðingum fór að takast að efnagreina og kryfja mannsheila að einhverju gagni og var þá meðal annars hafist handa við að reyna að finna hvað það var í heilanum, sem orakaði hinn gífurlega afkastamun milli manna. Meðal annarra frægra manna, gaf Einstein sjálfur heila sinn í þessar rannsóknir. Voru niðurstöðurnar þær að enginn verulegur munur fannst á heila þeirra, sem við mennirnir skilgreinum sem bjána eða snillinga. Einnig fengu menn um þetta leyti, niðurstöður sem sýndu að ekki var að finna neinar sérstakar skemmdir á heilum úr alkóhólistum, ef þeir voru ekki byrjaðir að fá krampa og delerium-tremens. Kom í ljós að það var ekki fyrr en í krömpunum og deleríum-tremens sem taugadauðinn byrjaði, en þetta var staðfest um þessar mundir af reynslu AA-samtakanna, sem sýndu að illa ruglaðir alkóhólistar, sem talið var að væru með miklar heilaskemmdir, náðu sér og afrugluðust. Síðar fundust rýrnaðir hvataheila hægri-drekar í langt gengnum alkóhólistum.

Á síðustu áratugum tuttugustu aldarinnar urðu miklar framfarir í heilaskönnunartækni taugalíffræðinnar og voru nú meðal annars endurgerðar tilraunirnar á þeim sem við skilgreindum sem bjána og snillinga. Voru slíkir einstaklingar settir í skanna, þar sem hægt var að sjá hvar og hversu mikil virkni var í heilanum hverju sinni og þeir síðan spurðir sömu spurninganna. Niðurstöðurnar voru þær, að sá sem við köllum snilling svaraði spurningunni strax rétt og sýndi skanninn lítt aukna virkni í heila hans. Sá sem við köllum bjána, hugsaði og hugsaði aftur á móti, og kom ekki með neitt svar, en skanninn sýndi gífurlega aukna virkni í heila hans á meðan. Ekki var hægt að ákvarða neitt um þessar niðurstöður annað en það, að verið var að horfa á tvo heila með mismunandi magni af starfrænum truflunum. Þetta er filterinn samkvæmt QF-kenninga-líkaninu um heilastarfsemina.

Niðurstöður annarrar mjög athyglisverðrar skannarannsóknartilraunar, gefur að líta á skyggnunni hér, en þetta er samanburðarstaðfesting á svokölluðu "ósamhverfi mannsheilans", sem áður var minnst á og þykir staðfesta QF-kenninguna til jafns við "binding problem"-tilraunina sem sýnd var hér áður með Skyggnu #2-19. Myndirnar sýna skannaniðurstöður fyrir heila í manni og simpansa, sem báðir eru að leysa sömu einföldu tölvuþrautina, en þrátt fyrir að myndirnar séu ekki góðar, þar sem þær eru teknar af myndbandasjónvarpsupptöku, er niðurstaðan tiltölulega skýr. Kemur fram að maðurinn notar nánast einvörðungu efnisskynjunarhvelið við að leysa þrautina, en simpansinn aftur á móti, notar bæði heilahvelin. Ástæðurnar fyrir þessum mismun eru ekki þekktar í vísindum taugalíffræðinnar, en QF-kenningin er með skýr svör um þær; Simpansinn og forfeður hans, hafa ekki verið að, og eru ekki að, iðka boðefnasvindl eða heilamengun sér til afslöppunar. Þeir eru að framkalla taugahemla eins og endorfín og dópamín á náttúrulegan máta.

Sjötti könnunarvettvangur okkar á spurningunni um tilvist hins falska intron- forritis;  Erfðir hins ranga intron-forrits.
Skipuritið hér fyrir neðan er af hinni frægu rannsóknarniðurstöðu tékk-austurríska munksins, Jóhanns Gregor Mendel, á hinum genitísku erfðalögmálum, sem hann gerði á nítjándu öld og sem aðeins lítillega hefur þurft að leiðrétta síðan. Sem dæmi sýna erfðalögmálin að ef hvítur og svartur einstaklingur eignast barn saman, getur barnið orðið hvítt og einnig barn þess barns, en síðan getur komið svartur einstaklingar í þriðju kynslóð eða fjórðu. Nú er að koma í ljós að áunnin hegðunarmunstur erfast í gegnum kynslóðirnar eftir þessu lögmáli og tilheyra taugaánetjunarsjúkdómarnir þessum flokki erfða, en þetta staðfestir svo aftur tillögur QF-kenningarinnar. Með öðrum orðum, erfðaorsakir taugaánetjanasjúkdóma geta átt rætur sínar allt að 5 til 7 kynslóðir til baka.

 

(Hér kemur myndbandsúrklippa #08)

Eitt af því allra furðulegasta sem fram kemur, í þeim hluta QF-kenningarinnar sem snýr að lífinu og mannsheilanum, er staðfesting á því að spádómar eru mögulegir og hvernig virkni þeirra er háttað. Í framhaldi af því kemur í ljós, að hægt er að fá samhangandi og raunveruleika-samsvarandi túlkun á hinum furðulega og ruglingslegu trúarlegu myndlýsingum í spádómi Opinberunarbókar Biblíunnar, séu þær túlkaðar út frá líffræðilegum byggingarhugtökum og skammtafræðilegum starfshugtökum um mannsheilann. Kom í ljós að á þessum forsendum var spádómurinn að lýsa þróunarferli einstaklings inn í lokastig taugaánetjunarinnar, endurhæfingu  og fráhvörfum ásamt lífi hans þar á eftir. Með öðrum orðum: Hvernig það var -- hvað gerðist -- og hvernig það er -- í taugánetjunarsjúkdómsferli þessa einstaklings.

Þar sem þessi túlkun leiddi í ljós líkingarmálsmyndlýsingar á framköllun filtersins í heila hins taugaánetjaða í 13. kafla spádómsins, er viðeigandi að taka þá túlkun hér inn í þessa umfjöllun um þetta fyrirbrigði, en þar segir líkingarmálið í grófum dráttum frá dýrunum tveim og drekanum:

Fyrra dýrið:  "kemur upp úr sjónum með vald drekans", en þetta eru lýsing á illa hemlaðri virkni úr hvataheilanum, "sjónum", eða hægri-dreka, inn í rúmskynjunar-VIÐ-hvelið.


Seinna dýrið: "kemur upp úr jörðinni og talar sem dreki með vald fyrra dýrsins", en þetta er lýsing á illa hemlaðri virkni úr hvataheilanum, "jörðinni", eða vinstri-dreka inn í efnisskynjunar-ÉG-hvelið, sem með alkóhólinu nýtur boðefnavirkni rúmhvelsins. Seinna dýrið lætur síðan byggja líkneski  af sjálfu sér í formi fyrra dýrsins, þar sem fyrra dýrið var til húsa, eða "til heiðurs fyrra dýrinu".

Síðan segir í niðurlaginu að engar taugafrumur geti stundað boðefnaskipti nema að hafa leyfi seinna dýrsins sem hér er skapað með filternum eða taugaánetjunarsjúkdómnum. Þetta segir okkur að nánast öll boðefnaskipti taugafrumnanna séu ráðin af virkni filtersins, sem við munum nú skoða hér á eftir, þó ekki í spádómsmáli.

Ef það er rétt sem QF-kenningin leggur til, að um sé að ræða að raunveruleiki æðra-sjálfsins eða Guðs- vitundar tengslanna í heilanum, sé truflaður af filternum og sé þar með alvarlegasta vandamál mankynsins, þá er ekki að furða þó fjallað sé um fyrirbrigði filtersins í þessum spádómi Biblíunnar. Þar sem filterinn er orsök allra þessara truflana í starfsemi orsakahluta heila okkar, og skapar jafnframt afrit af egóforriti einstaklingsins ofan í intron-trúar og samkenndarstöð heilans, er ekki að furða þó að fram komi einstaklingar sem við síkósu-uppvakningu þessa forrits, fara að lýsa því yfir að þeir séu, Jesús, Búdda, María mey eða Napóleon. Er heldur ekki að undra hina almennu óbeit manna á því sem þeir skilgreina sem hvers kyns "Guðs-kjaftæði", þar sem sálfræðingar og geðlæknar fara fremst, eftir að hafa heyrt marga andlega sjúka einstaklinga rausa mikið rugl af þessu tagi. Það er heldur ekki skrýtið að Kristur hafi varað við komu margra svindl-Krista í framtíðinni, en hann hafði greinilega innsæi í framþróun hins andlega ástands mannkynsins. Tilvist filtersins skýrir jafnframt hina miklu fjölbreytni og aragrúa af starfrænum truflunum í rúmskynjunar- VIÐ-heilahvelinu, eða undirmeðvitundinni, sem svo inniheldur skýringar á því hversu hlutfallslega fátíð tónlistar-, myndlistar-, innsæis- og ímyndunarafls- sköpunarvirknin er meðal mannanna, að við gleymum nú ekki hinni þvinguðu siðferðisvitund okkar og efnishyggju tengda kærleika til hvors annars. Allt þetta staðfesta heilastarfslíkön QF-kenningarinnar.

 

Hér er yfirlit yfir ystu mörk filtersástands mannsheilans og er myndin einungis til þess að benda á helstu flokka hinna starfrænu truflanna er filterinn veldur, en við skulum gera okkur ljóst að hér er alls konar millibilsástand mögulegt. Augljóst er að filterinn